活动花絮返回

消防及救護青年團（FAST Connect）嘅導師與團員於7月9日齊集一堂，參與攀石活動，吸引咗來自荃灣、葵青及離島區共38名中學團員及學生踴躍參加。攀石過程中，大家不但學識突破自我、堅持不懈嘅體育精神，更透過團隊比賽，實踐互信互勉嘅合作文化，一同成長。

活動更特別邀請咗消防處攀包山隊隊員、本年度「包山王」郭嘉明，以及著名運動員、有「蜘蛛女」之稱嘅「包山后」鄭麗莎，親臨同學員分享。兩人以自身奮鬥故事勉勵大家，只要抱持堅毅不屈嘅信念，定能一步步邁向人生嘅每個目標。

當日活動仲融入文化傳承元素，團員除咗細聽嘉賓分享，更參與模仿「搶包山」比賽，鬥快爭奪「平安包」，親身體驗傳統習俗，將呢份珍貴文化接力傳畀下一代。

長洲太平清醮已於2011年獲列為第三批國家級非物質文化遺產項目，而長洲「搶包山」更係本地極具代表性嘅傳統節慶活動